Mars 1M

Mars 1M foi o nome dun modelo de sondas espaciais soviéticas que se intentaron lanzar para facer un sobrevoo de Marte nos comezos da era espacial e obter datos e imaxes do planeta. Ámbalas dúas sondas non chegaron nin á órbita terrestre por fallo dos seus foguetes lanzadores, uns Molniya.^[1][2]

As dúas sondas Mars 1M que se intentaron lanzar eran idénticas e tiñan unha masa duns 640 kg. Como instrumentación científica levaban a bordo un magnetómetro, un contador de raios cósmicos, unha trampa de ións e un detector de micrometeoritos, entre outros.^[1][2]

1. ↑ ^{1,0 1,1} Mark Wade (2011). "Mars 1M" (en inglés). Consultado o 9 de agosto de 2013. 
2. ↑ ^{2,0 2,1} Gunter Dirk Krebs (2011). Gunter's Space Page, ed. "Mars 1M" (en inglés). Consultado o 9 de agosto de 2013.